Poslovne vesti - Makedonija

Пази - ќе се вози по пругата Куманово-Бељаковце!

ЈП МЖ Инфраструктура информира дека заради подготвителни работи за реконструкција на железничката линија на делницата Куманово-Бељаковце помеѓу станиците Куманово и Шупљи Камен, ќе има сообраќај на железнички шински возила, односно пругата ќе биде во сообраќај.

Инаку, железничката линија на потегот од Коридорот 8 помеѓу Куманово- Бељаковце не е во функција веќе 20 години.

- Со цел да се зголеми безбедноста на пругата се известува месното население кое гравитира во областа на железничката линија да се запознае со новонастанатата ситуација и да ги почитува прописите за преминување на пругата и движење покрај неа - се вели во соопштението од МЖ Инфраструктура.

Изградбата на железницата од Куманово до Бељаковце во должина од 31 километар треба да почне на почетокот на следната година за што веќе е обезбеден кредит од Европската банка за обнова и развој во износ од 46,4 милиони евра. Реконструкцијата на пругата Куманово-Бељаковце е прва од трите планирани фази за целосно завршување на источниот дел од Коридорот 8, од Куманово до граница со Бугарија, во должи на од 89 километри.